يا بلـــــــد , أن الآوان

---------------------------

يابـــلد أن الآوان تتمخـــضـى

 وتجـــيبــى لنــا فــــــــــارس

ياخدك على حصانه وتنهضى

من حـــــالة ركــــــوع طالت

وبه يا مصـــــر تعــــوضـــى

ســــــنين عـُــــــمر ضـاعـت

ما بين الآه واللآه وطــرق تيه

خطــــــاوينا  فيهـــــا تاهـــت

ومعـــــامل , تجـــــــــــاربـها

 مـا صابت بقـــدر مـا خـابـِت

         

            ...........

أن الأوان يا مصـــر تهـــــتدى
بتونس الخضــرا اللى إستفاقت
بســواعد رجــالها ,  إتحــرروا
وســطروا لحيــــــاة جـــــــديدة
عجـــلتها بالعـــــــزيمة , دارت
ولإرادتهــــــم , إســــــــتجـابت



!!!! بحــــــــلم



--------------------

بحـــــــلم    ................ !!  

ونفسـى الحلـم يبقـى حقيــقــــــة
نفســــى حلمى يشــوف الشمـس
 بحلـم بعجـلة حيـاتنا تدور لبُـكـره

 ومــش لـلآمـــس

ويكــــون الماضـــى لينا ذكـــرى

والشـــوق , يكون دايمان لبكــــره
ونســــمّع العــــــالم صـــوتنــــــا
ونـودع حيــــاة الهـمـــــس 

 

بحــــــلم    ........... !!  
بحـــــلم ومصـدّق أحــــــــــلامى
وأنـا شــــــايف بـكـــره أودامــى
أحــلى بـكتــير م.اليـوم والآمــس
أنــا بحــــلم    ...... !!

فقـــير اتجــوز فـقــــــيرة

 

-------------------------------

فقـــير اتجــوز فـقــــــيرة

وهُــــــمّه فى لــيلة العسل
أيوه ليــــــــــــــــلة العسل !

ماهـــــوأصل شـــهر العسل ده
بالنســــبة لهم , مدة طـــــويلة
وماتنساش , انهم فقير وفقيرة

وهمـّـه فى ليــلة العســل
تعــرف كـــانوا بيحــــــــلموا بأيــــــه ؟
بإنهم , فى الصباحـــــية ياكـلوا فـطيرة

وبعـد تســــــــــعة أشهــر

يخلفــــــوا لنا سمـــــــــير وسمــــــيرة

: بصِت الفقــيرة لجوزها  وقــــــــالت 

نذر عليـــــا لآعيشــهم أحلى عيشــــــة 
حتى لو اضطريت  ألبس هدمتى خيشـة

حـتى لو اضطريت أبيع كل اللى حيــــــلتى
وهاشـــــــــــــترى لــهم , بســكلتـــــــــــة
وهازينـــــها بــورق الكوريشـــــــــــــــــة

: رد الفقــــير وقـــــــال

بســـــكلتة , مـرة واحــدة ..... يـــاه

دانتى أحـــــــــلامك خـــــــــــــطيرة

معـــــلوم ..  بســــكلتة 
مانا نـــاويه أســـرح فى غـــير دى الحتـــة
بدل مانا بســـرح بعربــية التـِـرمس ديـــــه
فى الحتــة الفقــــــــــــــــــــــــــايرى ديـــه

..... لآه  
أنا هاسـرح بقـى فـى المهـندسين أو فى الجزيرة

وأودع حيـــــاة الفقــر
ويمكن أشترى لبنتى كمان عــروسة بضـــفيرة

من كتر أحــــــلامهم .. نـــــــــــــــاموا
علــى آيـــــــــــــــــــــه ؟

ع الحصــــــــــــــــــيرة 

صحـــيوا من نـومــهم
لاقــوا نفسـهم فى صــندوق عربية البلدية الكبيرة

بتهــــمة أشــــــــغال طـــــــــريق
والنـــــــــوم فــى الممنـــــــــوع
واصـــدار شخــــــــير

أزعــج العـــدو قـــبل الصديـــق

وهمــه فــى التحقــــــيق

بــص الفقــــير للفقـــــــــيرة
وقــــــــــــــــــــال لهــــــــــا

! عاجبــك كــده يـــــــــــــــــــا أم ســــــــــميرة

 ما هو لولا أحـــــــــلامك التطلعـــــــــــــيه
ما كنــاش بقينـــا فـى الـورطـــــــة ديـــــه

انـــــتى نســـيتى

انــــى فقـــــــير وانـــتى فقــــــــــــــــيرة ؟ 
 !  يــــــــــــــــــــــا أم ســـــــــــــــــــــــميرة 

ديمقـــراطية . مهـــلبية

--------------------------------------------

وقـال ايه, بإسـم الديمقـراطيــة

روحــــنا وقــلمـنا ويــــــــانــا

لاجــل ما نعلِـم فى الـورقـــــة

ونختار نائبنا اللى على هـوانـا

لقـينا صناديـــق انتخـاباتهــــم

من غـــيرنا , كـانت مليــــانـه

وقـــالوا لنا حـبيــنا نـريحكـــم

فصــوَّتنا بدلكــم يارجــــــــاله

فرِحنا وهللنا من الفرحـــــــــة

وداعينا بطولة العُمر لمولانـــا

إدونــا واجــــبات غـــــذائـــية

كـــــنتاكى وماكــــــــــدونــــلز

وازايـــز مايــــــة مليـــــــانـة

والحـــــــــــــلو كــان مهــلبية

وسجـــــــاير روثمـان أجنبيـة

والكـيـــــف كــــان ماريجوانـا

وفــــلوس جــديدة بالمـيـــــّـــة

ورجعـوا لنـا أصوات موتـــانا

هـتفنـــا وقـلنا فليسقط المـدمس

والفـــــلافـل اللى قـــرفـــــانـا

وليحيا الوطــنى ورجــــــالتــة

وليحـــيا عــــز ومـــــولانـــــا

د.كـبيرنا ويعــرف أكــتر منــا

ومصلحـتـــــنا

 فى الضــــرب عــلى قفـــــانا

أفقــدتونا يـاعالم كـــرامتنا
والأمـن أفقـــدنا أدميتـــنا
لكـــن أولادنا وأحفــــــادنا شايفـــنا
وأنــا واثــق إن كــرامتـــــــنا
بإيـــديهم راجعـه لنــا وجايانا



نصّحــــــــــــــــوه

---------------------------------

يـــــــــانــــاس ياهـــــــــــوه

اخـبروه , نبـهـــوه , فـوَّقــوه

قــولـــــــــوا له : صـــــــدَّام  

ومن قبله شاوسيسكو أعدموه

حـرّاسه وحاشــيته  وأمـنـــه

 ما نفـعـــوه . ولا رحـــــموه

واللـى إنتصـر فى النهـــــاية

 إرادة شــعب , عـذبـــــــــوه

     ..............................................   

نصحــــــوه , ياناس ياهـــوه

آه يـــــــــــابـلد

-------------------------------

آه يـــــــــــابـلد

وكـل حـتة فيـكى , وجعــانى

كـل ما تصـحى من النـــوم

يجـولك نـاس , ينيـموكى من تـانى

ويتـمنوا لو تفـضلى كـدة فى غـيبوبة

لاجـل ما تبـقى ليـهم محبـوبـة

لأن فى صحـوتك , ضـرر ليهم - يابلد

ومـش لحـد تـــانى

غـيروا شـكـلك

بدلـوا ملامحـك

وما بقـتيش إنتِ البـلد

بقــيتى بــلد تــانى

يصـعب عـليا وعـلى محـبيكى

إن يتـعرفوا عـليــكى

وعــلى مــــا فيــكى

لكـنى باتـعرف عـليكى – يــــابلد

بإحـساسى ووجـدانى

بـدلوا تـوبك

ولبسـوكى تـوب العـار

أهـانوكـى وبمليـــون مسمى , شعــار و سـتار

خلوا الرضيع , يشــكى

ويقـــول :  آه يـــانى

آه لــو أقـدر اتكـــلم !

آه لــو الكــل متعـلم !

لكنت لخصت المعــانى

فى صرخــتين , وقــلت

آآآآآآآآآه يـــــــــــابــــــلـد !!!

وكــــل حتة فــيكى وجعــانى .



أيـــــــام زمــان

----------------------------

الله يرحـــــم أيـــــــام زمــان

أيــام ما كنــا عيـــال جدعان

الست بهـيه , وجـارتنا ماريَّا

وابو مرقـــس , وام ســمعان

راحـــــوا المستشــفى يزورا

جــــــارنا الاســـتاذ فـــــلان

لانـــــه مريــض ,عــــــيّان

والشيخ عبدالله , والأب جرجس

فى المظاهرة , ورجاله ونسوان

الكل بيهـتف : مصـــر مصــــر

وعـــاشَ ســعد زعــيمنا الهـمام

وانــــا واخـــــــــــويا

 عــــلى ابن عـــــمى

وانــــا وابن عـــــمى

على كل غريب جبان

الله يرحـــــم أيــــــــام زمـــان

فى سـبت النـــور

 بنكــحل عـينيـنا

وإخــوه أقــــباط

بيصــــــــــومـوا رمضـــــــــــان

نعيــِّد عـليهم ويعـِّيـدوا عـلينـــــــا

و أجـراس الكـنايس يعانقها الأذان

د.الرب واحد ياعــالم وانا فـى الأصل إنسـان

الله يرحـــــم أيـــــــــــام زمـــــان

-2-

الله يرحــــم أيــــــام زمـــان

أيام التسعيرة الجــبريــــــــة

والقطاع العام والاشتراكــية

والوحــدة والقومية العـــربية

وشــــموخ القـــامة المصرية

فــى كـل مجـــــال وميـــدان

الله يرحــــم أيــــــام زمـــان

الله يرحـــم أيامك , يا ناصــــر

يا نصير كــل غـــلبان وقـاصر

مـــــاتت بمـوتــــك أحــــلامنا

وعــــزتنا إغتـالتـها المقـاصل

وكـرامتنا ضاعـت وانداســـت

فى طوابير العيش أودام الافران

الله يرحــــم أيــــــام زمــــــــان



أنا البرادعى

------------------------



أنا البرادعى يا حســــــــنى

وإن كنت أختلف عنك كتير

أنــــــــا البـرادعـــــــــــى

وجيت أنـــــادى بالتغـــيير

لاجل ما تبقـــى مصر فعلاً جمهورية

لا ملكيــــــــــــة ولا ديكتاتـــــــورية

 وكفياكم بقى تحـــــقــير

لابناء الشعب المصـرى

الحـــر الأبــى الاصيـل

يســود العــــــــــدل بينا

فلا فرق بين غنى وفقير

ولا رايـــــس وغفــــير

ولا الهانم والسـت بهيه

 أم العيــــــــــال الكتير

والحاكم يحكم  باسم الشعب

 لا بــــــــــــــــأمره

وما يخللش فى الحكم كتير

لاننا محتاجـــــــين تجديد

 يجـــلب لنا الخــــــــــير

ففى الاســـــتمراريه تبـلد

وروتــين وتشــــــــــــفير

محتاجين نرجع لمصر كرامتها

 وريـــــادتها فى التنــــــويــــر

ونمحـــــــــــى أثار التخلف

 اللى أصــابتنا من ســـــنين

من يوم ما اعتليت الكـرسى

 وطـــالبتنا بشد الحـــــــزام

وادحــــنا مـازلنا للحزام شـــــدين

بالرغم من خــير بــلدنـا الوفــــير

 

لكــــــنه مش ليـــــنا

 ولا لأولادنـــــــــــا

 ولا  لأحــفادنـــــــا

مادمـت انت والصـحبـجية قـاعـدين

فاحـــــنا الشــــــــعب

 اللى اتحــــــكم علينا

نكون سخـرة وعــبيـد

و راسـهم فى الطـــين

لشـــــلة صحبجـــيه

 امتهنت الســـــياسة

بـــدون تأهيل وضميـر

وكـــــــل أدواتهــــــم  هـى :

طبــلة  وبــــوق ونفـيــــر .

عـــلم بـــــلادى

-------------------------------

أحـــــــــــــــــمر

أبـيــــــــــــــض

إســـــــــــــــود 

أحمــــــر ,  بلون الــــــدم

لطخ جدران معتقلاتك وسجونك

خالد سعيد وإخوانه الضحـــــايا

 من بين شــــــــــــــــــــــهودك

والحـياة يا مصر بقت أسياد وعبيد

الله يرحــم ويســـــــامح جــدودِك

أبيـــــض ,  بلون أكفان ضحايا التعذيب

على  إيــدين جنــــــودك

بأوامر عليا ســياديــــــة

العرش أهم , وان توارى من أجله

مليــــــــــــون مـن  جـثـث عبيدك

إســــــود ,  بلون صبغة شــــــعر مولانا

وليل حالك حالف ما ينتهى

 وعشــــش جــــــــــــوانا

وخد من ديارنا سكــــــن ,

 لاجل ما يلازمنــا ويفضل ويــانا

ويحجـب عنا شــــعاع النــــــــــور

اللى منتظرين نشـوفه فى عيونــك



يــــــــــــــــاوطن

--------------------------------

يــــــــــــــــاوطن

 أد أيه انت خســـــــــــــيـــس

من يوم ما بعتنى بالرخــــيص

واشتريت بالتمن كلاب بوليس

واديك شفت النتيجة, يـاوطــن

حراميـــــــــــــة ونشـــــاليــن

أمشجيــــــــــــة وجـــــلاديــن

جــــــــــــــــهـلة ومدعـــــيـن

مســكوا لجــامك يــــــــاوطـن

ولحكــمـك بقـــــوا
 مهــاويـــــــــــس

وبقيت ليهم وسية ,
 يـــــــــــــــا وطن

وعبـــادك عـندهم
محـــــــــــــابيـس

لكنك لسه فى قــلبى يـا وطن

لأن لسه جـــوايا من الامــل

  حِفنــــــة بصيــــــــــــص

ولانى أنا ابنك يـــــــا وطـن

فـــتى  , معـدنــــه نفـيــــس

ولســــة بحــــــــبك ياوطـن

بالرغـم من انك خســـــيـس



الامشــجية

---------------------

الامشــجية , عـربجـــــــية

والعربخــانة مليــانة حمــير

المخــطط والمبقــلظ والحصـــــاوى

واللــى غــاوى رفــس وتعفــير

مســك العربخــانجى كــرباجـــة

وطــرقع فـى الهــوا طرقعتـــين

إصطفت حمــير العـربخـــــــانة

وبسرعة البرق بطلت نهـــيق وشــخير

ضحـــك العربخـــانجى وقهــقه

وقــــال : ياما أنتـــوا صحــيح حمـــير

د. برفســـة واحدة

ممكن تصيبــونى بأذى كبــــــير

لكــن ....

من حُــسن حظــى أنـــــــا , العربخــانجى !!             

إن انتـــوا حـمــير