---------------------
ياواد يا عـيطـــــــة
كفايـــة ظـيطـــــــة
وتعـــــــــــــــــــــالى يــابنى
تعــــــــــــــــــــــالى جــانبى
تعالى نحــكِّى ونقـــول كلمتين تعالى نحــكِّى عن جدى وجدك
ونتكلم كمان عن الفـــراعـــين
مااحنا ما عُدناش نملك يابنى غير الكــلام
إمبريالية .... وبرجوازية
ألـــــــية .... وشفــــافية
الهــَــت ....... والنـــِــت
والتـِـت كــــــــــــــــمـان
علمونا نبـــــــدُر حــــروف
لآجل الارض ماتــزرّع كلام
علمونا إن قوتنا فى البلاغــة
وفى فصــــــاحة اللســـــــان
عـلمونا إن الحـــرب الجـــــايه ديــه
هــــى حــــــرب الإســـــــــــــتكلام
وهانجبر العدو فيهــا ع الإســتسلام
يــــــــــــــــــــــــــــــاه
فكرتنى باللى إسمه ايه دَه
الســـــــــــــــــــــــــــلام
شفت يــــــــابنى فى التليفزيون
من قيــــــــمة كــــــــام يـــــــوم
واحد أفندى كان بيتكلم عن الســـــــــــلام
وبيقول إن السلام ده خيار إستراتـــــيجـى
وسمعته كمان بيتكلم عن الحرب الخليجى
لكن قوللى يـــــابنى
هو ده الخيار اللى بتزرعوه فى أرض جِدك ؟
والا ده الخيار اللى بيطلبوا بيه ودى وودك ؟
..... ع العمــــــوم
أنا ما فهمش معنى الكلام
بس كل اللى فـــاكــــــره
إن البرنـامج كان إســـمه
تعـــــــــظيم ســــــــــلام
والمذيع كان إســــــــمــه
عبـد الســــــــــــــــــــلام
واللى كانوا مســتضفينــه
كــان الأســــتاذ تــمــــام
وفاكــــر ساعتهـــــــا
جابوا لقطة أو لقطتين
عن القــدس و غـــزة
وقــــانا وديـر يـاسـين
وعســــكر داوود بيصطادوا الحمام
شــــوف يــاخــــــويا الـواد
جــرى ... فــط ... نـــــــط
قـــــال أيـــه .. مش عاجبه الكلام
يــــاواد يــــــاعــيطة
كـــفاية ظـــــــــيطــة
وتعــــالى يـــــــابنـى
تعـــــــالى جـــــــانبى
تعـــالى نحــــكِّى ونقـــول كــلمتين
تعـــــالى نحـــكِّى عن جـــدى وجــدك
ونتـــكلم كمــــــان عـن الفـــــــراعين
والا إنت كمان متوعــــاش عـلى الفراعـين؟
خــــــلاص ...... بلاهـــا
تعـــالى أحـكى لك عن صلاح الدين
ومعـــــــــــــركة حطــــــــــــــــين
وعــــن ابن العـــــــــــاص
ومعاملته للأقبـــــــاط المصــــريين
تعــــالى .. ما تخــــافش
ما ها تخســــــــــــــرش
أدحنا يـــــابنى بنـدردش
وبنقـــــول كــــــــلمتين
ما أنا يـــــابنى .. لو ما اتكلمتش
هــــــــــــافرقع .. هـــــــــاطرقع
وم الجــــــــــــــانبين
طيـــب يــــــــــــابنى
أنـــا لـو ما اتكــلمتـش
هــاعـــمل أيــــــــــه؟
مــاهو ده اللى حــيلتى
واللى أقــــــدر عـــليه
رد الوِليــد وقـــــال لى
إن كنت يـــا والدى غــاوى كـــــلام
وكــنت صــحيح , فصــيح اللســــان
إحـــكى لى .. قـــول لى
عـن العــم ســــــــــام والعـمة أن
فــى بــــــــــــلاد الأفغــــــــــان
.. إحـــكى لى
عن البوسنة والهرسك و الشيشان
.. إحــكى لـى
عن أطفــــــال الحجــــــــــارة
واخواننا فى العـراق والصـومال والسودان
.. إحــكى لى
عــن العـــولمة والأمريكـــــــــان
عـن الهــويــة العــربيــــــــــــــة
اللى أصـبحت فـى خـبر كـــــــان
.. إحــكى لى
ازاى أحــرر القــدس والجــولان
والعـــــــــــراق كمــــــــــــــــان
ازاى نكــون أمـة واحـدة
تـحت رايـــــــــة واحــدة
بالفــعل ومــش بالكــــلام
إحكـى لى يـاوالـدى وقـول لـى
يـــاعـنى أيـــه كــلمة وطـــــن
وفــين إحــنا بــين الأوطـــــان
.. إحـــكى لى يــاوالــدى
والا إنتَ يــــاعـــــنى
غــــــاوى كـــــــــلام
وغـــاوى بـس تحـكِّى
عــــن أيــام زمــــان؟
.... ســــــــــاعتها
فــرت الدمعة من عــينى
وانخـــرس فيا اللســــان
